ВТОРНИК, 26 МАРТ 2019

Нередовен месечен циклус?

Секоја жена во некој период од нејзиниот живот може да има месечен циклус кој ќе предизвика низа прашања: Дали мојот месечен циклус е преобилен? Зошто не добивам? Зошто овој месец добив два пати? Иако нередовните месечни циклуси не се невообичаена појава, сепак важно е да знаете кои се причините поради кое тоа може да се случи и што се обидува да ви каже вашето тело.

post cover photo

Редовен месечен циклус

Жените во просек имаат „добиено“ 3 до 7 дена во текот на еден месец, т.е. еден месечен циклус. По првите неколку години од првата менструација, месечниот циклус вообичаено се стабилизира и жената може да предвиди приближно кој ден би требало да добие менструација.

Нередовен месечен циклус

Кога веќе некое време добивате менструација, телото вообичаено воспоставува ред и рутина на добивање, така што како нередовен месечен циклус се смета секое крвавење кое е абнормално во однос на претходните неколку месеци. Тоа може да вклучува прерано крвавење или доцнење, како и премногу слабо или екстремно крварење. Доколку не сте склони кон симптоми на ПМС, тогаш како нередовен месечен циклус можете да ги сметате и екстремната подуеност на стомакот, грчеви и главоболки.

Причини за нередовен месечен циклус

Секоја жена може да искуси промени во месечниот циклус одвреме-навреме, што иако во повеќето случаи е безопасно, добро е да знаете поради што се јавуваат овие нерегуларности. Еве неколку вообичаени причини за ваквите промени:

Бременост

Во бременоста, женското тело произведува различни нивоа на хормони што предизвикува прекин на менструацијата. Но, понекогаш се случува менструацијата да продолжи, но да биде со помал размер од вообичаено, пред целосно да престане. Доколку искусите некои промени во циклусот и има шанса да сте бремени, најдобро е да го посетите вашиот гинеколог.

Стрес

Стресот е најчестата причина за нередовен месечен циклус. Кортизолот – хормонот за стрес – има влијание врз колку вашето тело ќе лачи естроген и прогестерон – двата женски хормона. Доколку имате премногу кортизол во крвотокот, времето и јачината на вашиот циклус можат да бидат подложни на промени.

Диета

Друга честа причина за доцнење на месечниот циклус може да биде храната која ја консумирате или пак тежината која ја имате. Ако вашата исхрана е богата со нездрави шеќери и сте ја зголемиле телесната тежина, вашето тело може да произведе различни нивоа на одредени хормони, кои влијаат на времето на овулација. Истото важи и за наглото губење на тежината.

Вежбање

На нашето тело му треба енергија за да може да менструира. Доколку согорувате премногу калории при вежбање, можно е да не му оставате на телото доволно енергија за да може нормално да фунционира во „оној период“ од месецот.

Орална контрацепција

На телото му се потребни до неколку месеци за да се навикне на дозата на хормони која ја содржат пилулите за орална контрацепција.

Премногу алкохол

Црниот дроб го регулира месечниот циклус така што го регулира метаболизмот на естрогенот и прогестеронот. Претераната консумација на алкохол може да предизвика оштетување на црниот дроб и да ги наруши метаболитичните процеси кои се одговорни за регулирање на месечниот циклус.

Синдром на полицистични јајници

Овој синдром е доста чест кај жените, а предизвикува формирање на цисти во јајниците и пречки во овулацијата. Во зависност од сериозноста на оваа состојба, таа може да предизвика е губење на косата, покачена телесна тежина, првут и во екстремни случаеви неплодност. Едни од посериозните компликации се ендометриоза, рак на јајниците и проблеми со срцето.

Менопауза

Како и во бременоста, така и во менопаузата нивото на хормоните се менува. Нередовните циклуси можат да започнат дури и 10 години пред да започне менопаузата, а најчесто во доцните 40-ти и раните 50-ти години.

Земање лекови

Одредени лекови можат да влијаат на производството на естроген и прогестерон, така што често се случуваат промени од неколку дена во циклусот при земање на лекови.

Третман

Во зависност од причината поради која се јавува нередовен месечен циклус, може или не може да се направи нешто за тој да се доведе во ред. Консултирајте се вашиот гинеколог и објаснете му кои се симптомите. Вашиот доктор во зависност од потребите може да ви препише лекови на база на хормони за регулирање на циклусот, активности за намалување на стресот, промени во исхраната или план за вежбање.

Мастерклас на Виктор Косаковски и работилница на Јана Цисар на 10. МакеДокс

Туризам
ladybook TRENDING

ВУДСТОК ДЕВОЈКИ – НАЈДОБРИТЕ СТИЛСКИ МОМЕНТИ ОД 1969

Туризам

BMI КАЛКУЛАТОР

BMI Result

Што е BMI?

Индекс на телесната маса е показател на нутритивниот статус на еден поединец и важи за лица постари од 18 години. Со BMI калкулаторот можете да пресметате дали имате прекумерена, поднормална или нормална тежина. Здрав BMI резултат би бил оној измеѓу 20 и 25.

БМИ го покажува односот помеѓу тежината и висината на телото, но не се зема во предвид составот на телото. Тој не може да го илустрира точниот процент на телесните масти во однос со мускулите или коскената маса.

Поединци со висок БМИ се категоризирани како дебели, но постојат и исклучоци. На пример, кај многу крупните луѓе, бодибилдерите, бремените жени и луѓе пониски од 1.5 метар, БМИ индексот е голем, но тоа не значи дека тие се дебели бидејќи процентот на мускулите и коскената маса во однос на висината е голем.

Ве молиме внесете ги сите полиња за да може да го пресметаме вашиот БМИ.

BMR КАЛКУЛАТОР

ПРЕСМЕТАЈ КАЛОРИИ

  калории дневно - Вашиот Основен метаболички степен (BMR)

Основен метаболички степен е најниската потрошувачка на енергија неопходна за одржување на виталните процеси на телото во текот на 24 часа. Односно, ја претставува минималната количина на енергија потребна за непречено функционирање на срцето, белите дробови, нервниот систем, бубрезите, црниот дроб, цревата, мускулите, кожата, итн. Вашиот BMR не ги вклучува калориите кои се согоруваат од нормалните дневни активности или вежби. Дополнително вежбање го зголемува вашиот BMR, го подобрува вашето здравје и способноста на вашето тело да гори повеќе енергија. Потребни ви се:
  •    - калории дневно за да ја задржите истата тежина
  •    - калории дневно за да загубите 0.5 килограми неделно
  •    - калории дневно за да загубите 1 килограм неделно
  •    - калории дневно за да качите 0.5 килограми неделно
  •    - калории дневно за да качите 1 килограм неделно
Најдобар начин за губење на телесната тежина е преку правилна исхрана и вежбање. Намалувајте ги калориите постепено и внимавајте да не ги намалите под 1000 калории дневно. Брзото слабеење може лошо да се одрази врз вашето здравје, а исто така и допринесува до брзо враќање на загубените килограми. Губете килограми постепено, обидете се да одржите баланс во исхраната. Конзулмирајте ги сите хранливи состојки кои ви се потребни, но во помали количини. Совети
  • пијте 6/8 чаши вода на ден
  • јадете чести но мали оброци
  • јадете многу свежо овошје и зеленчук
  • избегнувајте кафе и алкохол
  • избегнувајте преработена храна како што е белиот шеќер
  • избегнувајте црвено месо и животински масти
  • намалете го внесувањето на млечни производи
  • вежбајте минимум 3 пати во неделата
Калкулаторот обезбедува одлична претпоставка и може да се користи како водич, но за најточни информации консултирајте се со вашиот нутриционист или доктор. Калкулаторот е направен по Mifflin - St Jeor равенката.
Ве молиме внесете ги сите полиња за да можеме да го пресметаме вашиот БМР.
Ladybook Контакт
МАСИВА ДООЕЛ Скопје
ул. Козле бр.88, лан.2, лок.1,
1000 Скопје, Македонја
+389 77 76 89 25 | +389 70 21 67 41

contact@ladybook.mk
marina@ladybook.mk
Ladybook Импресум
Генерален менаџер:
Марина Апостолска
marina@ladybook.mk
Уредник:
Тина Митева
tina@ladybook.mk
Новинар:
Лидија Дамјановска Апостолска
contact@ladybook.mk
Новинар:
Марина Вучковиќ
m.vuckovik@masiva.mk
Социјални медиуми:
Мила Тасевска
mila@ladybook.mk
Графичко уредување:
Виктор Гаврилски
viktor@ladybook.mk
Маркетинг:
Марина Апостолска
marina@ladybook.mk
Дизајн и развој:
ИФ КРЕАТИВА
filip@ifkreativa.com
ivana@ifkreativa.com